Cricket

කෝලි හා සූර්යකුමාර්ගේ ප්‍රහාරය ඉන්දියාව සුපිරි 4 ට ගෙන යයි

විරාට් කෝලිගේ හා සූර්යකුමාර් යාදව්ගේ විශිෂ්ඨ පිතිහරඹය හේතුවෙන් මෙවර ආසියානු කුසලාන පන්දුවාර 20යි 20 ක්‍රිකට් තරගාවලියේ සිව්වැනි තරගයෙන් හොං කොං කණ්ඩායම පරදා ලකුණු 40 ක ජයක් වාර්තා කරමින් සුපිරි 4 වටය සදහා සුදුසුකම් ලබා ගැනීමට ඉන්දීය කණ්ඩායම අද(31) සමත් වුණා.

ඩුබායි හි පැවැති තරගයේ කාසියේ වාසිය දිනූ හොං කොං කණ්ඩායම පළමුවෙන් පන්දුවට පහර දීමේ අවස්ථාව ඉන්දියාවට ලබා දුන්නා.

ඒ අනුව ඉන්දියාව නියමිත පන්දුවාර 20 නිමා කළේ කඩුලු 2 ක් දැවී ලකුණු 192 ක් ලබා ගනිමින්.

රෝහිට් ෂර්මා ලකුණු 21 කට දැවී ගිය අතර, කේ.එල් රාහුල් ලකුණු 36 යි.

අනතුරුව තෙවැනි කඩුල්ල සදහා පන්දු 42 කින් ලකුණු 98 ක නොබිදුණු සම්බන්ධතාවයක් ගොඩ නගමින් ඉන්දීය ඉනිම දැවැන්ත ලකුණු සංඛ්‍යාවක් කරා රැගෙන යාමට විරාට් කෝලි හා සූර්යකුමාර් යාදව් සමත් වුණා.

කෝලි පන්දු 44 කින් නොදැවී ලකුණු 59 යි. හයේ පහර 3 ක් හා හතරේ පහරක් ඔහුගේ ඉනිමට ඇතුළත්.

සූර්යකුමාර් පන්දු 26 ක් පමණක් වැය කරමින් ලකුණු 68 ක් නොදැවී ලබා ගත්තා. හයේ පහර 6කින් හා හතරේ පහර 6 කින් ඔහුගේ ඉනිම වර්ණවත් වුණා.

පන්දු යැවීමේ දී Ayush Shukla හා Mohammad Ghazanfar කඩුල්ල බැගින් බිද හෙලුවා.

පිළිතුරු ඉනිම ක්‍රීඩා කළ හොං කොං කණ්ඩායමට පන්දුවාර 20 තුළ කඩුලු 5 ක් දැවී ලබා ගත හැකි වූයේ ලකුණු 152 ක් පමණයි.

Babar Hayat ලකුණු 41 ක් ද, Kinchit Shah ලකුණු 30 ක් ද රැස් කළා.

පන්දු යැවීමේ දී බුවනේෂ්වර් කුමාර්, අර්ෂ්දීප් සිං, රවීන්ද්‍ර ජඩේජා හා අවේශ් ඛාන් කඩුල්ල බැගින් බිද හෙලුවා.

 Leave a comment

දකුණු අප්‍රිකා නවතම 20යි 20 ලීගයේ නිල නාමය නිවේදනය කෙරේ

දකුණු අප්‍රිකාවේ පැවැත්වීමට නියමිත නවතම පන්දුවාර 20යි 20 ලීග් ක්‍රිකට් තරගාවලිය ‘SA20’ (‘එස් ඒ ට්වෙන්ටි’) ලෙස නම් කර තිබෙනවා.

තරගාවලියේ පළමු අදියර ලබන ජනවාරි හා පෙබරවාරි මාසවලදී පැවැත්වීමට නියමිතයි.

සෑම කණ්ඩායමකටම අමෙරිකානු ඩොලර් මිලියන දෙකක මුදලක් වියදම් කරමින් ක්‍රීඩකයින් මිලදී ගැනීමට අවස්ථාව හිමි වනවා.

ක්‍රීඩක වෙන්දේසිය සැප්තැම්බර් 19 වැනිදා පැවැත්වෙන බව ද අද(31) නිල වශයෙන් නිවේදනය කෙරුණා.

කණ්ඩායම් 6 ක් ක්‍රීඩා කරන මෙම තරගාවලිය යටතේ තරග 33 ක් පැවැත්වීමට නියමිත අතර, අවසන් වටය යටතේ අවසන් මහා තරගය ද ඇතුළුව පැවැත්වෙන තරග සංඛ්‍යාව 3ක්.

අදාළ කණ්ඩායම් හයේම හිමිකාරීත්වය දරනු ලබන්නේ අයි.පී.එල් තරගාවලියට ක්‍රීඩා කරන කණ්ඩායම්වල හිමිකරුවන් විසින්.

Related Articles

Leave a Reply

Your email address will not be published. Required fields are marked *

Back to top button