Ashia Cup

ඉන්දු – ශ්‍රී ලංකා තරගය එළඹෙන 8 වැනිදා ; ශ්‍රී ලංකා පිලේ සුපිරි 4 වටයේ කාලසටහන මෙන්න

මෙවර ආසියානු කුසලාන පන්දුවාර 20යි 20 ක්‍රිකට් තරගාවලියේ සුපිරි 4 වටයේ තරග සෙනසුරාදා (3) ආරම්භ වනවා.

මේ වන විට A කාණ්ඩයෙන් ඉන්දියාව ද, B කාණ්ඩයෙන් ශ්‍රී ලංකාව හා ඇෆ්ඝනිස්තානය ද සුපිරි 4 වටය සදහා සුදුසුකම් ලබා අවසන්.

අද(2) දිනයේ දී මූලික වටයේ අවසන් තරගය පාකිස්තානය හා හොං කොං කණ්ඩායම් අතර පැවැත්වෙන අතර, එම තරගයෙන් ජය ගන්නා කණ්ඩායම ද සුපිරි 4 දෙනාගේ වටයට සුදුසුකම් ලබා ගන්නවා.

එම තරගය මෙරට වේලාවෙන් අද රාත්‍රී 7.30ට සාජා හී දී ආරම්භ වීමට නියමිතයි.

ශ්‍රී ලංකා කණ්ඩායම සුපිරි 4 වටය යටතේ ක්‍රීඩා කරන පළමු තරගය පැවැත්වෙන්නේ හෙට(3) දිනයේ දී යි. ඒ, ඇෆ්ඝනිස්තාන කණ්ඩායමට එරෙහිවයි.

එම තරගය සාජා හී දී මෙරට වේලාවෙන් රාත්‍රී 7.30ට ආරම්භ වීමට නියමිතව තිබෙනවා.

සුපිරි 4 වටයේ දී ශ්‍රී ලංකාව ක්‍රීඩා කරන දෙවැනි තරගය පාකිස්තානයට හෝ හොං කොං කණ්ඩායමට එරෙහිව (අද තරගයෙන් ජය ගන්නා කණ්ඩායමට එරෙහිව) එළඹෙන 7 වැනිදා ඩුබායි හී දී පැවැත්වීමට නියමිතයි.

ඊට පසු දින එනම් එළඹෙන 8 වැනිදා ශ්‍රී ලංකාව හා ඉන්දියාව අතර තරගය පැවැත්වීමට නියමිතව තිබෙනවා.

තරගාවලියේ අවසන් මහා තරගය පැවැත්වෙන්නේ එළඹෙන 11 වැනිදායි.

Related Articles

Leave a Reply

Your email address will not be published. Required fields are marked *

Back to top button